Կորոնավիրուսի (COVID-19) արագ տարածման պայմաններում մենք շարունակում ենք որակյալ բանկային ծառայությունների մատուցումը՝ միևնույն ժամանակ կատարելով կորոնավիրուսի տարածումը կանխարգելող միջոցառումներ, որոնք ուղղված են մեր հաճախորդների և աշխատակիցների առողջության ու անվտանգության պահպանմանը։
Ինչպես օգտվել բանկային ծառայություններից
Բանկը ձեզ առաջարկում է բանկային ծառայություններից օգտվելու մի քանի եղանակ` առանց տանից դուրս գալու անհրաժեշտության:
Անվտանգ կառավարե՛ք Ձեր գործարքները HSBCnet կամ HSBCnet Mobile App ծառայությունների միջոցով։ Ինչպես նաև կարող եք էլեկտրոնային մեյլի կամ հեռախոսակապի միջոցով կապ հաստատել Ձեր կորպորատիվ բիզնեսի գծով կառավարիչների հետ, որոնք աշխատում են հեռահար՝ օգտագործելով մեր անվտանգ համակարգերը։
Զգուշացե՛ք զեղծարարությունից
Խնդրում ենք ուշադիր լինել. որոշ հանցագործներ, օգտվելով ստեղծված իրավիճակից, հնարավոր է փորձեն Ձեզ ներքաշել զեղծարարության մեջ՝ առաջարկելով բժշկական ապրանքներ, խորհրդատվություն կամ գումարի պահպանման ապահով եղանակ։ HSBC-ն Ձեզ երբեք չի առաջարկի փոխանցել գումարն այլ հաշվի։
Զգուշացե՛ք տարատեսակ հարցումներից՝ էլ. փոստով, հեռախոսով կամ հաղորդակցման այլ միջոցներով, որոնք հրահանգում են փոխել շահառուի բանկային տվյալները կամ կատարել վճարում նոր շահառուի հասցեին: Այդպիսի հարցումը կարող է լինել Ձեր միջոցներն այլ՝ զեղծարար հաշվին փոխանցելու փորձ։
Զեղծարար հարցումները կարող են լինել քողարկված որպես մատակարարի կողմից ուղարկված՝ մատակարարի բանկային հաշվի տվյալները փոխելու խնդրանքով:
Ապահովության համար՝ էլ․ նամակագրությունից բացի նաև միշտ պահպանեք ուղիղ կապ Ձեր մատակարարի հետ՝ ընկերության այլ վստահելի կոնտակտի միջոցով՝ հրահանգվող փոփոխության իսկության հաստատման համար:
Որոշ դեպքերում մատակարարի տվյալները փոխող հրահանգը կարող է իբրև ուղարկված լինել Ձեր կազմակերպության գլխավոր գործադիր տնօրենի, նախագահի կամ այլ ղեկավար անձի անունից։
Ներքին աղբյուրից ցանկացած տեսակի վճարման հրահանգներ ստանալիս՝ համոզվեք, որ դրանք ստացված են Ձեր կազմակերպության պաշտոնական հաղորդակցման միջոցներով և համապատասխանում են հաստատված գործընթացներին և ընթացակարգերին:
Զեղծարարները կարող են դիմել Ձեզ՝ Ձեզ հետ համագործակցող որևէ հաստատության անունից (օրինակ՝ HSBC-ի), հեղինակություն վայելող կազմակերպության, մատակարարի, կամ նույնիսկ Ձեր ընկերության աշխատակցի անունից։ Նրանք կարող են Ձեզ ներգրավել այնպիսի գործողությունների մեջ, օրինակ՝ անվտանգության սարքի կողմից գեներացված ծածկագրի տրամադրում, որոնց միջոցով հնարավորություն կստանան կատարելու Ձեր հաշվից ապօրինի վճարումներ:
- HSBC-ն երբեք չի պահանջի տրամադրել այնպիսի տեղեկատվություն, որը կարող է օգտագործվել գործարք կատարելու համար (օրինակ՝ հաշվեհամար, գաղտնաբառեր, անվտանգության սարքի մանրամասները, բացառությամբ՝ սարքի ետնամասում նշված հերթական համարի, և այլն):
- HSBC-ն որևէ պարագայում չի պահանջի Ձեզանից տրամադրել Ձեր անվտանգության տեղեկությունները հեռախոսի, տեքստային հաղորդագրության կամ էլ. փոստի միջոցով։
Խնդրում ենք լինել զգոն և հետևել մեր կողմից պաշտոնապես հրապարակվող տեղեկատվությանը։.
5 եղանակ՝ ինչպես Ձեր բիզնեսը կարող է արձագանքել
Կորոնավիրուսի տարածումը
Կորոնավիրուսի (COVID-19) տարածումն իր ազդեցությունն է ունենում բիզնես գործունեության վրա։ Արագ փոփոխվող միջավայրում կարևոր է ունենալ գործողությունների ծրագիր։ Մենք առաջարկում ենք հետևյալը՝
- Հոգ տարեք Ձեր աշխատակիցների և նրանց ընտանիքի անդամների մասին
- Վարակի տարածումը կանխելու նպատակով որոշ երկրներում աշխատակիցները հնարավորություն չունեն ներկայանալ իրենց աշխատավայրեր:
- Համոզվեք, որ կարողանում եք կապ հաստատել Ձեր աշխատակիցների հետ և արագ փոխանակել անհրաժեշտ տեղեկատվությունը։ Ունեցեք բիզնեսի անընդհատության ծրագիր, որը հնարավորություն կընձեռի հեռահար աշխատանքի համար։
- Հեռահար աշխատանքն ապահովելու համար դիտարկեք հատուկ տեխնոլոգիա օգտագործելու հնարավորությունը, ինչպես օրինակ վիդեո կոնֆերանս անցկացնելու միջոցով, որը հասանելի կլինի ինչպես աշխատանքային, այնպես էլ անձնական համակարգիչներից։
- Հետևեք Առողջապահության Համաշխարհային Կազմակերպության և Կառավարության թարմացումներին և տեղեկացրեք Ձեր աշխատակիցներին։
- Վերանայեք Ձեր մատակարարման շղթան
- 2011 թ. Ֆուկուսիմայի միջուկային աղետից հետո մեքենա արտադրողներն աշխարհով մեկ հայտնաբերեցին մատակարարման զգալի կախվածություն, երբ մի ընկերություն, որն արտադրում էր աշխարհի միկրոկառավարիչների 40%-ը ստիպված էր փակել իր գործարաններից մեկը:
- Դուք կարող եք հայտնաբերել քողարկված կախվածությունը՝ վերանայելով Ձեր մատակարարման ամբողջ շղթան՝ բացահայտելով Ձեր մատակարարների մատակարարման աղբյուրները և պարզելով, թե ովքեր են Ձեր հաճախորդների գնորդները։
- Կատարեք պայմանագրային պարտավորությունների և Ձեր կամ Ձեր գնորդների կամ մատակարարների կողմից պարտավորությունների կատարման անկանխատեսելի հանգամանքներին վերաբերող պայմանագրային դրույթների հնարավոր կիրառման ռիսկերի գնահատման վերլուծություն:
- Բացահայտեք այլընտրանքային մատակարարման եղանակները։
- Լոգիստիկա և բաշխում
- Գործարանների կամ գրասենյակների հարկադրաբար փակումը և տրանսպորտային կառույցների` ներառյալ ճանապարհների, նավահանգիստների և բեռնման կետերի խափանումը, կարող են ազդեցություն ունենալ ապրանքների և փաստաթղթերի ճիշտ ժամանակին մատակարարման վրա։
- Համոզված եղեք, որ ունեք պլան հնարավոր խափանման դեպքերի համար, օրինակ օդային ճանապարհով բեռնափոխադրման իրականացում, երբ արգելվում է նավի միջոցով փոխադրումը։
- Պատրաստ եղեք ծառայություններ մատուցողների կողմից խափանումների՝ իրավաբանական ծառայություններից մինչև մաքսային կետեր։
- Հաշվի առեք Ձեր գործառնությունների հետևանքները՝ սկզբնազբյուրից մինչև արտադրություն և տեղաբաշխում։
- Ցուցաբերեք ճկունություն
- Պատրաստ եղեք իրականացնելու այս գործողությունները այլ հնարավոր խափանումների դեպքերում, ինչպիսիք են բնական աղետները, քաղաքական անկայունությունը կամ կիբեր հարձակումները։
- Մշակեք արձագանքման ռազմավարություն և ներքին հանձնարարությունների շղթա յուրաքանչյուր իրավիճակի համար։
- Հետևողական պլանավորումը յուրաքանչյուր իրավիճակի համար լավագույնս կպահպանի բիզնեսը։
- Կառավարեք ֆինանսական ռիսկերը
- Պատրաստվեք շուկայական պայմանների փոփոխությունների, ներառյալ պահանջարկի, գնի և արտարժույթի փոխանակման տատանումները։
- Սթրես-թեստավորման ենթարկեք շրջանառու միջոցները, քանի որ ապրանքների և ծառայությունների շարժը կարող է ընդհատվել և դիտարկեք Ձեր մատակարարներին հնարավոր օգնություն առաջարկելու հարցը։
- Անհրաժեշտության դեպքում վերանայեք ձեր պաշարները և հաշվի առեք ապահովագրության պահանջները խափանման դեպքում։
- Կապ հաստատեք Ձեր բանկի հետ աջակցության ցուցաբերման և հնարավոր խափանումների առաջացման դեպքում ճկունություն ցուցաբերելու համար։
Հեռահար աշխատանք
Քանի որ կորոնավիրուսի հետևանքով մենք փոխում ենք աշխատանքի եղանակը, մենք պետք է գիտակցենք նաև դրա ռիսկերը։
- Մի՛ վարեք բիզնես խոսակցություններ հանրային վայրերում, քանի որ դրանք կարող են լսելի լինել։
- Մի՛ թողեք գաղտնի տեղեկատվություն պարունակող փաստաթղթերը, համակարգիչներն ու կորպորատիվ բջջային հեռախոսները առանց հսկողության։
Դիմեք մեզ Ձեր հարցերը քննարկելու համար
Մենք ուշադիր հետևում ենք COVID-19 վարակի տարածման շուրջ ստեղծված իրավիճակին և հաշվի ենք առնում ազդեցությունը, որ այն կարող է ունենալ մեր հաճախորդների և աշխատակիցների վրա։
Բոլոր այն հաճախորդները, ովքեր ունեն խորհրդատվության/աջակցության կարիք կարող են դիմել իրենց կորպորատիվ բիզնեսի զարգացման գծով կառավարչին։
Մենք տեղյակ ենք, որ մեր հաճախորդների հանգամանքները տարբեր են, և հետևաբար յուրաքանչյուրին կցուցաբերվի անհատական մոտեցում:
Թարմացվել է` 14/09/20 9:07 UTC