Էյչ-Էս-Բի-Սի-ն զրոյական հավակնություն է սահմանում

Այսօր Էյչ-Էս-Բի-Սի-ն ֆինանսավորման և ներդրումների գերակայության հավակնոտ ծրագիր է մշակում, որն աջակցում է զուտ զրոյական գլոբալ տնտեսության անցմանը և օգնում հասարակության և բիզնեսի համար բարեկեցիկ և կայուն ապագա կառուցել:

Ծրագրի հիմքում է պարտավորությունը՝ մինչև 2050 թվականը կամ ավելի շուտ` Փարիզյան համաձայնագրի նպատակներին համապատասխան, կրճատել մեր պորտֆելի հաճախորդների ֆինանսավորվող արտանետումները՝ հասցնելով դրանք զրոյի:

Դրա համար մենք ուժեղացնում ենք մեր աջակցությունը հաճախորդներին, որպեսզի նրանք բիզնես վարելու ավելի կայուն եղանակներին անցնեն: Մենք կարծում ենք, որ ունենք այն մասշտաբները և գլոբալ ընդգրկումը, որոնք պետք է առաջնային դեր խաղան նրանց զուտ զրոյին հասնելու ուղուն խորհրդակցելու հարցում, և մենք ձգտում ենք մինչև 2030 թվականը 750 միլիարդ ԱՄՆ դոլարի ֆինանսական և ներդրումներ ապահովել` օգնելու նրանց այդ նպատակին հասնել:

Խմբի գործադիր տնօրեն Նոել Քուինն ասել է. «Էյչ-Էս-Բի-Սի-ն արդեն երկար ժամանակ ձգտում է հնարավորություններ ընձեռել մեր հաճախորդներին և մեր կողմից սպասարկվող համայնքներին: Փոփոխությունների առանցքային տասնամյակ մուտք գործելիս մենք նշանակալի հնարավորություն ունենք արագացնելու մեր ջանքերը` ավելի առողջ, դիմացկուն և կայուն ապագա կառուցելու համար:

Մեր ձգտումը հասնել զուտ զրոյի՝ նշանակալի քայլ է հաճախորդներին աջակցություն ցուցաբերելու գործում, քանի որ մենք միասին աշխատում ենք ածխածնի ցածր մակարդակի արտանետում ունեցող բարգավաճող տնտեսություն կառուցելու ուղղությամբ»:

Էյչ-Էս-Բի-Սի-ն արդեն առաջատար է ածխածնի ցածր մակարդակի արտանետումներ ունեցող տնտեսությանն անցնելու գործընթացում: 2017 թվականին մենք պարտավորվել ենք մինչև 2025 թվականը 100 միլիարդ ԱՄՆ դոլարի կայուն ֆինանսավորում ապահովել: Դրանից հետո մենք գործարկել ենք մի շարք արտադրատեսակներ, որոնք մրցանակներ են ստացել և այս ոլորտում առաջատար են ճանաչվել, այդ թվում՝ Euromoney- ի կողմից 2019 և 2020 թվականներին արժանացել են «Կայուն ֆինանսների աշխարհի լավագույն բանկ» կոչմանը:

Այնուամենայնիվ, Փարիզյան համաձայնագրի նպատակներին հասնելու համար լրացուցիչ ջանքեր և ավելի արագ տեմպեր կպահանջվեն: Մենք նախատեսում ենք օգտագործել մեր մասշտաբները և գլոբալ ընդգրկումը`զուտ զրոյին անցնելը արագացնելու համար:

Մենք գործելու ենք երեք ուղություններով. զուտ զրոյական բանկ դառնալը, աջակցությունը հաճախորդներին անցումային շրջանում և ապագա սերնդի կլիմայական լուծումների հնարավորությունների ստեղծումը:

Զուտ զրոյական բանկ դառնալը

Մեր նպատակն է.

• Համապատասխանեցնել մեր կողմից ֆինանսավորվող արտանետումները՝ մեր պորտֆելի հաճախորդների ածխածնի արտանետումները, Փարիզյան համաձայնագրի նպատակին՝ մինչև 2050 թվականը կամ ավելի շուտ զուտ զրոյին հասնել
• Կիրառել Փարիզյան համաձայնագրի կապիտալի անցման գնահատման գործիքը (PACTA)` զուտ զրոյին հասնելու հստակ, չափելի ուղիներ մշակելու համար
• Կանոնավոր կերպով կատարել տեղեկատվության թափանցիկ հրապարակումներ՝ մեր առաջընթացը հաղորդելու համար՝ կլիմայի հետ կապված ֆինանսական բացահայտումների աշխատանքային խմբի կարգավորող ուղեցույցներին համապատասխան, և խրախուսել մեր հաճախորդներին անել նույնը
• Աշխատել մեր գործընկերների, կենտրոնական բանկերի և արդյունաբերական մարմինների հետ` ֆինանսական համակարգը մոբիլիզացնելու ապագայի վրա կենտրոնացած, գլոբալ մակարդակով համաձայնեցված գործիքի շուրջ՝ ֆինանսավորվող արտանետումները չափելու և ածխածնի արտանետումների փոխհատուցման շուկան գործելու համար
• Մինչև 2030 թվականը կամ ավելի շուտ մեր սեփական գործառնություններում և մատակարարման շղթայում հասնել զուտ զրոյի

Մեր պորտֆելի հաճախորդներին աջակցություն անցումային շրջանում

Մեր նպատակն է.

• Աշխատել մեր պորտֆելի հաճախորդների հետ` նրանց աջակցելու ածխածնի արտանետումների նվազեցման ուղուն` միավորելով ESG լուծումների հարցերով մեր թիմին, մրցանակակներ ստացած մեր արտադրատեսակներին և բանկի մասնագետներին` մեր հաճախորդների համար անհատական լուծումներ մշակելու համար
• Առաջնահերթություն տալ ֆինանսավորմանը և ներդրումներին՝ ածխածնի ավելի ցածր մակարդակի արտանետումներին անցնելու հարցում մեր հաճախորդներին բոլոր հատվածներում աջակցելու համար: Այդ նպատակով մենք ձգտում ենք առաջիկա 10 տարիների ընթացքում 750 միլիարդ ԱՄՆ դոլարի և 1 տրիլիոն ԱՄՆ դոլարի ֆինանսավորում և ներդրումներ կատարել
• Ընդլայնել մեր պորտֆելը անցումային ֆինանսավորման լուծումների համար՝ օգնելու ապահովել աստիճանաբար ապակարբոնիզացումը նույնիսկ ամենածանր աստիճանի արտանետումներ ունեցող հատվածներին, միաժամանակ օգնելով ապահովել արդար և կայուն անցումը՝ տնտեսական կայունությունը պահպանելու համար
• Մեր ֆինանսավորման որոշումներին մոտենալ կլիմայական նշանակության տեսանկյունից` հաշվի առնելով զարգացած և զարգացող տնտեսությունների մեր հաճախորդների համար եզակի պայմանները

Ապագա սերնդի կլիմայական լուծումների հնարավորությունների ստեղծում

Մեր նպատակն է.

• Ստեղծել բնական կապիտալի աշխարհի ամենամեծ կառավարիչներից մեկը՝ բնական կապիտալը որպես ակտիվների դաս ներգրավելու համար և ներդրումներ կատարել այն գործունեության մեջ, որն ուղղված է բնության երկարաժամկետ պահպանումը պաշտպանությունը և բարելավումն ապահովելուն: Այդ նպատակով մենք ստեղծել ենք համատեղ ձեռնարկություն, որը կոչվում է «Էյչ-Էս-Բի-Սի-ի փոշոտման կլիմայական ակտիվների կառավարում» (HSBC Pollination Climate Asset Management)
• Ստեղծել հատուկ ստորաբաժանում և մշակել անհատական առաջարկ՝ մաքուր տեխնոլիգիաների նորարարական ընկերություններին աջակցելու համար, և 100 միլիոն ԱՄՆ դոլարի ներդրում կատարել տեխնոլոգիաների ոլորտում՝ վենչուրային հիմնադրամի շրջանակներում:
• Գործարկել բարեգործական ծրագիր` մինչև 2025 թվականը 100 միլիոն ԱՄՆ դոլարի նվիրատվություն կատարելու համար` կլիմայական հարցերի ոլորտում նորարարական նախագծերի, վերականգնվող էներգիայի աղբյուրների և բնության պահպանման հարցերի հետ կապված լուծումների ընդլայնման նպատակով:
• Օգնել կայուն ենթակառուցվածքը վերածել ակտիվների համաշխարհային դասի և մի շարք բանկային նախագծեր ստեղծել՝ գլխավորելով ՏՀԶԿ-ի և Համաշխարհային բանկի խմբի հետ համատեղ կայուն ենթակառուցվածքներում ներդրումներ կատարելու FAST-Infra նախաձեռնությունը

Առաջիկա ամիսներին մենք այդ ծրագրերի վերաբերյալ թարմացումներ և լրացուցիչ տեղեկություններ կտրամադրենք: