- Հոդվածներ
- Դրամական հոսքերի կառավարում
- Կատարել և ստանալ վճարումներ
Ըստ «Euromoney» ամսագրի 2021թ. հարցման՝ HSBC Հայաստանը ճանաչվել է «Կորպորատիվ ծառայությունների գծով լավագույն բանկ»
2021 թ.-ին «Էյչ-Էս-Բի-Սի Բանկ Հայաստան» ՓԲԸ-ն (այսուհետ` HSBC Հայաստան) Euromoney հեղինակավոր ամսագրի կողմից չորրորդ անգամ անընդմեջ ճանաչվել է տարվա «Կորպորատիվ ծառայությունների գծով լավագույն բանկը Հայաստանում»:
«Euromoney» ամսագիրն իրականացնում է ամենամյա հարցումեր, որոնք միտված են բացահայտելու կորպորատիվ ծառայություններ մատուցող առաջատար կազմակերպությունները։
Կորպորատիվ ծառայությունների զարգացման և կառավարման վարչության ղեկավար Վարդան Շահբազյանը մեկնաբանում է․ «HSBC Հայաստանը որդեգրել է կորպորատիվ ծառայությունների ոլորտում ավտոմատացման և պարզ թվային լուծումների ներմուծման ռազմավարություն, ինչը աջակցության և գնահատման է արժանանում մեր հաճախորդների կողմից․ այդ մասին են վկայում հարցման արդյունքները»։
HSBC Խումբը ևս այս տարի արժանացել է մրցանակների՝ ճանաչվելով «Գլոբալ առաջատար» և «Հաճախորդների սպասարկման գլոբալ առաջատար»։ Հարցման արդյունքները վկայում են կորպորատիվ ծառայությունների ոլորտում HSBC Բանկի առաջատար դիրքի մասին ինչպես տեղական, այնպես էլ միջազգային շուկաներում:
«Մենք շնորհակալ ենք մեր հաճախորդներին իրենց ցուցաբերած վստահության համար և հաստատակամ ենք ներմուծել համաշխարհային լավագույն բանկային նորարարությունները և փորձը տեղական շուկա»,-նշել է Վարդան Շահբազյանը:
HSBC Խումբ
HSBC Holdings plc-ն՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է տրամադրում 64 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր ֆինանսական կառույցներից մեկը, որի ակտիվները 2021թ. սեպտեմբերի 30-ի դրությամբ կազմել են 2,969 միլիարդ ԱՄՆ դոլար:
HSBC Հայաստան
«Էյչ-Էս-Բի-Սի Բանկ Հայաստան» ՓԲԸ-ը հիմնադրվել է 1996թ․-ին։ Բանկը Էյչ-Էս-Բի-Սի Խմբին ամբողջությամբ պատկանող դուստր ընկերություն է։ Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 7 գրասենյակների և մոտ 310 աշխատակիցների միջոցով: 2021 թ.-ի սեպտեմբերի 30-ի դրությամբ բանկի ակտիվները կազմել են 311 միլիարդ ՀՀ դրամ` ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված վարկերը: Բանկը վերահսկվում է ՀՀ կենտրոնական բանկի կողմից։